அங்கனப்பற்று - மகராசகடை - பாறை ஓவியம் -பணரத்து பண்டா- - MAHARAJAKADI -PANAMARATHUPANDA PREHISTORIC ROCK ART ( PAINTING ) புதிய கண்டறிதல்

மேலும் சிறப்பு பெறும் மகராசகடை ( அங்கனப்பற்று )பகுதி - நடன பாறை ஓவியம் -மகராசகடை மலை அடிவாரப்பகுதியில் உள்ள பனமரத்துபண்டா என்ற இடத்தில் Dr.லோகேஷ் மற்றும் அவரது நண்பர்கள் அழைப்பின் பேரில் சென்ற போது இதுவரை ஆவணப்படுததாத பாறை ஓவியம் கண்டறியப்பட்டது. ஆய்வுப்பணியில் ,கல்வெட்டு காவலன் கோவிந்த ராஜ் , அருங்காட்சியக காப்பாச்சியர் சிவக்குமார் , தமிழ்செல்வன் https://youtu.be/4CZRlfDNMb0

செய்தி கிருஷ்ணகிரி மாவட்டம், மகாராஜகடை அருகே உள்ள அங்கனாமலை வனப்பகுதியில், டாக்டர் லோகேஷ் மற்றும் கிராம மக்கள், பழமையான பாறை ஓவியங்கள் மற்றும் கல்வெட்டுகள் இருப்பதாக, மாவட்ட வரலாற்று ஆய்வு மற்றும் ஆவணப்படுத்தும் குழுவிற்கு தகவல் தெரிவித்தனர். இதையடுத்து, மாவட்ட அரசு அருங்காட்சியக காப்பாட்சியர் சிவகுமார், முன்னாள் மாவட்ட அரசு அருங்காட்சியக காப்பாட்சியர் கோவிந்தராஜ் மற்றும் வரலாற்று ஆய்வு மற்றும் ஆவணப்படுத்தும் குழு ஒருங்கிணைப்பாளர் தமிழ்செல்வன் ஆகியோர், அங்கனாமலை வனப்பகுதிக்குள் சென்று ஆய்வு மேற்கொண்டனர். இது குறித்து முன்னாள் மாவட்ட அரசு அருங்காட்சியக காப்பாட்சியர் கோவிந்தராஜ் கூறியதாவது: 13ம் நுாற்றாண்டுகளின் கல்வெட்டுக்கு அருகே பனமரத்து பந்தா என்ற இடத்தில் உள்ள பெரிய பாறையில், 3 இடங்களில் பாறை ஓவியங்கள் காணப்படுகின்றன. ஒன்றில், குறியீடுகளும், இரண்டாவது ஓவியயத்தில், 4 மனித உருவங்களும், மூன்றாவதில், மனிதர்கள் நடனம் ஆடும் நிலையில் உள்ள பாறை ஓவியங்களும் வரையப்பட்டுள்ளன. இந்த பாறையின் அடிபாகத்தில், 2,000 ஆண்டுகளுக்கு முற்பட்ட கருப்பு, சிவப்பு பானை ஓடுகளும், இறந்தவர்களை வணங்குவதற்காக பாறையில் அகல் விளக்கையும் செதுக்கியுள்ளனர். இதிலிருந்து, இந்த இடம் இறந்தவர்களின் நினைவிடமாகவும், தொடர்ந்து வழிபடவே பாறையில் விளக்கை செதுக்கியும் வைத்துள்ளனர் என்று தெரிகிறது. இப்பகுதியில் அதிக அளவில் பாறை ஓவியங்கள், கல்வெட்டுகள், கற்திட்டைகள் போன்றவை காணப்படுவதால், இந்த இடத்தை தொல்லியல் துறையினர் ஆய்வு மேற்கொள்ள வேண்டும். இங்கு கடந்த முறை ஆய்வு செய்யப்பட்டபோது, கல்திட்டைகளில் கருப்பு, வெள்ளை நிற பாறை ஓவியங்கள் கண்டுபிடிக்கப்பட்டுள்ளது குறிப்பிடத்தக்கது. இவ்வாறு அவர் கூறினார்.

https://maps.app.goo.gl/H5XCVm3HJmNiBTbR7 அன்புடன் தமிழ்செல்வன் ஒருங்கிணைப்பாளர் கிருஷ்ணகிரி ஆய்வு மற்றும் ஆவணப்படுத்தும் குழு தங்கள் பகுதியில் வரலாற்று ஆதாரங்கள் ஏதாவது இருப்பின் தகவல் தரவும் வந்து அதன் பழமையை கூறுகிறோம் தொடர்புக்கு 9787536970

அங்கனப்பற்று - மகராசகடை மேகலசின்னம்பள்ளி (கரகூர் ) கத்திகுண்டு கல்வெட்டு INSCRIPTIONS MEKALACHINNAMPALLI

கிருட்டினகிரி வரலாற்று ஆய்வு மற்றும் ஆவணப்படுத்தும் குழு சார்பில் 19.10.2020 திங்கட்கிழமை இன்றைய களப்பயணமாக மேகலசின்னம்பள்ளி போய் ஏற்கனவே கண்டு வந்த கல்வெட்டு குறித்த முழுமையான வீடியோ பதிவு செய்யலாம்னு தீர்மானிக்கப்பட்டது. காலை 11.00 மணிக்கு ஒருங்கிணைப்பாளர் தமிழ்ச்செல்வன், ஆஸ்தான போட்டோகிராபர் விஜயகுமார் இவர்களோடு மாருதி மனோகரன் ஆகிய நானும் இணைந்து இரு சக்கர வாகனங்களில் புறப்பட்டோம்.. குப்பம் சாலை வழியாக சென்று, வரட்டனப்பள்ளி சென்றதும் தம்பி ராமச்சந்திரன் எங்களோடு இணைந்து கொள்ள நால்வரும், மகாராஜ கடை வழியாக செல்ல ஆரம்பித்தோம். புஸ்பகிரி, பெலவர்த்தி தாண்டி கரகூர் கிராமம் அருகே மேகலசின்னம்பள்ளி செல்லும் சாலையில் திரும்பி 100 மீட்டர் தொலைவு சென்றதும் ஒருங்கிணைப்பாளர் தமிழ்ச்செல்வன் கை நீட்டி, அதோ அங்கே தெரியும் குண்டு பாறைதான் நம் இலக்கு என்றார். மழைக்கால மேகம் வந்து, மடி ஊஞ்சல் தாலாட்ட, மழைமேகம் மூடியிருக்க, சில்லென்ற காற்று சிலுசிலுக்க, பாதையின் இருமருங்கும் மரங்கள் சூழ இடையே தார்சாலை.... ரம்யமாய்.... கண்ணுக்கு குளுமையாய், உடலுக்கு குளிர்ச்சியாய், மகிழ்வோடு எங்கள் படைக்களன்களோடு குன்றை நோக்கி சென்றோம்.... வயல் காட்டில் கால் பதித்து. சுற்றிலும் பல்வேறு மரங்கள் கிழக்கே பெரும்பாறை இரண்டு மரங்கள் சூழ, மேற்கே நாங்கள் காண வந்த சுமார் 10 அடி உயர மண்டையோட்டின் அடையாளத்தோடுகண்முன்னே கத்திகுண்டு பாறை. பாறை மேல் ஏற வசதியில்லை, ஆனால் அருகே பட்டும், துளிர்த்தும் இருந்த வேப்பமரம் எங்களுக்கு ஏணியாக இருந்தது. கரம் கோர்த்து மரம் பிடித்து, பாறையில் ஏறினால் காற்று எந்தப்பக்கம் தள்ளுமோ என்னும் வகையில் தஞ்சாவூர் பொம்மை போல் ஆடியபாதங்கள். ஒருவழியாக கல்வெட்டு படியெடுக்கும் வகையில்.... பவுடர் பூச்சு போட ஆரம்பிச்சா..... லைட்டா ஆரம்பிச்சா.... மழைத்தூறல்.... சாரலாய்... ஆச்சுடா கூச்சல்.... வந்த வேலை ஆகாது போலன்னு நினைக்கும் வேளை வருணபகவான் அருள் புரிந்துவிட்டார். கிழக்கும் மேற்குமாய் எங்கள் ஆவணப்படுத்தும் பணி போட்டோவிலும் வீடியோவிலும் பதிய வைத்துக்கொண்டோம். இப்போ வரேன்..... கல்வெட்டின் சாராம்சம் என்னான்னு சொல்ல. இந்த கல்வெட்டு ஆண்டு சரியாக 1375. கல்வெட்டில் உள்ள குறிப்பு யாதெனில்.... வேப்பம்பள்ளியான (வேப்பனப்பள்ளி) செடில சமுத்திரத்தை சார்ந்த நன்செய், புன்செய் நிலங்களை பொற்புறத்து தேவ பெருமாளும் நின்பை நாயனாரும் உள்ளிட்ட மகாப் பெருமக்களும், வேதம் ஓதுவார்க்கும் பங்கிட்டு தானமாக கொடுத்ததை இக்கல்வெட்டு மூலம் அறிய முடிகிறது. இதில் அங்கனப்பற்று (அங்கிநாயனப்பள்ளி) நாட்டவரும், துவாரபதி வேளாளரும் ராமகாமிண்டரும் இக்கல்வெட்டில் உள்ளது. ஒருவழியாக வந்த வேலை முடிந்தது, புறப்படலாம்னு மெதுவா வண்டிகிட்ட வந்து நின்னா, கிழக்கால தூரத்துல மழை தூறல் தெரியுது. அப்போ அந்தப்பக்கம் போனா மழையில் மாட்டிக்குவோம்னு சட சடன்னு வண்டிய எடுத்துகிட்டு கிழக்குப்பக்கமா மேகலசின்னம்பள்ளி வழியா, கிருட்டினகிரி நோக்கி விரைந்தோம்.... சாரலில் நனைந்தபடி. பத்திரமாக கிருட்டினகிரி வந்து சேர்ந்தாச்சு. போய் வந்த சங்கதி உங்களுக்கும் சொல்லியாச்சு. அப்புறம் என்ன போய் வந்த காட்சிகளின் சாட்சிகளை பாருங்க.... சூப்பரா இருக்கும். https://youtu.be/PZFMSLFhlng

அங்கனப்பற்று - கல்வெட்டு -மகாராசகடை - MAHARAJAKADI INSCRIPTIONS -

மகராஜகடை ஶ்ரீ திரிபுவன சக்கரவர்த்தி மூன்றாம் இராசராச சோழனின் கால கல்வெட்டு -அங்கண அரசு -Dr. லோகேஷ் அவர்கள் உதவியால் ஜெயங்கொண்ட எயில்நாடாழ்வான் மகன் கல்வெட்டு தேடி ஆவணப்படுத்தப்பட்டது - ஆய்வுப்பணியில் கல்வெட்டுகாவலன் கோவிந்தராஜ் , அருங்காட்சியக காப்பாச்சியர் சிவக்குமார் , மாருதி மனோகரன், தமிழ்செல்வன் மற்றும் மருத்துவர் லோகேஷ் அவர்களின் நண்பர்கள் - target="_blank">https://youtu.be/0LP1CQ-8bW0

இந்த கல்வெட்டு முனிஸ்வரன் கோவிலை திருத்தி கட்டும் போது மண்ணில் புதையுண்டு போய்விட்டது .

மருத்துவர் லோகேஷ் அவர்களின் குழு இந்த கல்வெட்டு இருக்கும் இடத்தினை கண்டறிந்து எங்களை அழைத்துச் சென்றது. மருத்துவருக்கும் அவர்களின் குழுவிற்கும் கிருஷ்ணகிரி வரலாற்று ஆய்வு மற்றும் ஆவணப்படுத்தும் குழு நன்றியை தெரிவித்துக் கொள்கிறது . கல்வெட்டு இருக்கும் இடம் 12.62988071, 78.26659588

https://maps.app.goo.gl/NnEwZirKffvhnysz7

அன்புடன் தமிழ்செல்வன் ஒருங்கிணைப்பாளர் கிருஷ்ணகிரி ஆய்வு மற்றும் ஆவணப்படுத்தும் குழு தொடர்புக்கு 9787536970

அரசு அருங்காட்சியகம் கிருஷ்ணகிரி சிந்து சமவெளி நூற்றாண்டு விழா மற்றும் குழந்தைகள் தின விழா - ஓவியப்போட்டி 23.11.2024

கிருஷ்ணகிரி அரசு அருங்காட்சியகத்தில் சிந்து சமவெளி நூற்றாண்டு விழா மற்றும் குழந்தைகள் தின விழா முன்னிட்டு பள்ளி மாணவ மாணவிகளுக்கான ஓவியப்போட்டி நடைபெற்றது. இந்த ஓவியப் போட்டியில் கிருஷ்ணகிரி மாவட்ட பல்வேறு பள்ளிகளை சேர்ந்த 75 மாணவ மாணவியர் கலந்துகொண்டு தங்களுடைய ஓவியத் திறமையை வெளிப்படுத்தினர். மூன்று பிரிவுகளின் கீழ் நடைபெற்ற இந்த போட்டியில் மூன்று பிரிவிலும் முதல் மற்றும் இரண்டு மூன்று ஆகிய நிலைகளில் வந்தவர்களுக்கு பரிசு வழங்கப்பட்டது. மற்ற மாணவ மாணவியருக்கு சான்றிதழ்கள் வழங்கப்பட்டன. வந்திருந்த மாணவ மாணவியர் மற்றும் பெற்றோர்களை அருங்காட்சியக காப்பாட்சியர் சிவகுமார் அவர்கள் வரவேற்றார்.ஓவிய போட்டி பணிகளை ஓவிய ஆசிரியர் வானவில் பன்னீர்செல்வம் அவர்கள் மேற்பார்வையிட்டார் நிகழ்வின் முடிவில் கிருஷ்ணகிரி வரலாற்று ஆய்வு மற்றும் ஆவணப்படுத்தும் குழுவின் தலைவர் நாராயணமூர்த்தி மற்றும் தமிழ்செல்வன், உஷா, பாலாஜி, திருப்பதி மற்றும் அருங்காட்சியக பணியாளர் செல்வகுமார் ஆகியோர் மாணவ மாணவிகளுக்கு சான்றிதழ்களை வழங்கி சிறப்பித்தனர். உயர்நிலைப் பள்ளிகளுக்கான போட்டியில் முதல் பரிசு திவ்யா கம்பம்பள்ளி உயர்நிலைப்பள்ளி, இரண்டாம் பரிசு சோக்காடிஉயர்நிலைப் பள்ளியின் சக்திவேல், மூன்றாம் பரிசு வேதா ஸ்ரீ நகராட்சி நடுநிலைப் பள்ளி அண்ணா நகர் தொடக்க நிலைகளுக்கான முதல் பிரிவு போட்டியில் முதல் பரிசு S.பர்ஹான் கட்டிக்கானபள்ளி, இரண்டாம் பரிசு யாக்ஷிதா -துவரகா மெட்ரிக், மூன்றாம் பரிசு ஹேமச்சந்திரன் நகராட்சி நடுநிலைப் பள்ளி ராஜீவீதி. தொடக்க நிலைகளுக்கான இரண்டாவது பிரிவு போட்டியில் முதல் பரிசு கதிர்ச்செல்வன் கட்டிக்கானபள்ளி புதூர் தொடக்கப்பள்ளி, இரண்டாம் பரிசு பரமேஷ் நகராட்சி நடுநிலைப் பள்ளி பழைய பேட்டை, மூன்றாம் பரிசு பிரீத்திகா துவரகா மெட்ரிக்